জ্ঞানস্ৰোতেই কিয়?

জ্ঞানস্ৰোত সমগ্ৰ দেশৰ স্থান, ভাষা আৰু আৰ্থিক অৱস্থাৰ নিৰ্বশেষে সকলো স্তৰৰ ছাত্ৰ-ছাত্ৰীৰ সুবিধাৰ্থে প্ৰস্তুত কৰা হৈছে। জ্ঞানস্ৰোতৰ পৰিসৰ কেৱল ইংৰাজী মাধ্যমত অধ্যয়নৰত ছাত্ৰ-ছাত্ৰীৰ ক্ষেত্ৰতেই সীমাবদ্ধ নহয়। জ্ঞানস্ৰোতই সম্পূৰ্ণ স্কুল পাঠ্যক্ৰম প্ৰণালীবদ্ধভাবে আপোনালোকৰ নিজৰ মাতৃভাষাত অত্যাধুনিক শিক্ষাদান পদ্ধতিৰ জৰিয়তে প্ৰদান কৰাৰ প্ৰয়াস কৰিছে। গতিকে জ্ঞানস্ৰোত কেৱল এখন নিৰ্দিষ্ট শিক্ষা পৰিষদৰ বাবে নহয়, ই সকলোৰে বাবে। সৰ্বমুঠ ৯ টা ভাষাত ১৪ খন শিক্ষা পৰিষদক বৰ্তমানলৈকে সাঙুৰি লোৱা হৈছে আৰু আমি ইয়াত কেৱল আমাৰ প্ৰথম পৰ্য্যয়ৰ বিষয়ে উল্লেখ কৰিছোঁ য’ত উচ্চ মাধ্যমিক আৰু উচ্চতৰ মাধ্যমিক শ্ৰেণীৰ পাঠ্যক্ৰম সমূহ অন্তৰ্ভূক্ত হৈছে। জ্ঞানস্ৰোতৰ পাঠ্যক্ৰমত এনিমেচন আৰু গ্ৰাফিকচৰ জৰিয়তে উপস্থাপন কৰা বিষয়জ্ঞানে ছাত্ৰ-ছাত্ৰীসকলক বিষয়সমূহ সূচাৰুৰূপে বুজি পোৱাত সহায় কৰিব। পাঠদানৰ ভিডিঅ’ সমূহত বাস্তৱ জীৱনৰ বিভিন্ন উদাহৰণ সন্নিৱিষ্ট কৰা হৈছে। এনিমেচনবোৰে ছাত্ৰ-ছাত্ৰীসকলক বিষয়জ্ঞান সমূহ বাস্তৱ জীৱনৰ লগত ৰিজাই চাবলৈ সহায় কৰিব।

গতিকে, জ্ঞানস্ৰোত হৈছে ছাত্ৰ-ছাত্ৰীসকলে জীৱনত উৎকৰ্ষ সাধন কৰাৰ এক উৎকৃষ্ট আহিলা। ই হৈছে ভাৰতবৰ্ষৰ দৰে এখন বিবিধতাৰে ভৰা দেশখনত সকলোৰে বাবে এখন উমৈহতীয়া মঞ্চ।

শিক্ষক আৰু ছাত্ৰ-ছাত্ৰীৰ মাজত সু-সম্পৰ্ক থকা স্বত্বেও বহুসময়ত ছাত্ৰ-ছাত্ৰীসকলে শ্ৰেণীৰ পাঠদানসমূহ এবাৰতে বুজি পাবলৈ সক্ষম নহয় আৰু বহুসংখ্যকে নিজৰ অসুবিধাবোৰ বা আউলবোৰ নিসংকোচে প্ৰকাশ কৰিব নোৱাৰে বা লজ্জাবোধ কৰে। কাৰণ বহুতো হ’ব পাৰে, কিন্তু এই আলোচনা আমাৰ পৰিসৰৰ ভিতৰত নপৰে। জ্ঞানস্ৰোতই উচ্চ মানদণ্ডৰ শিক্ষকসকলৰ জৰিয়তে সমগ্ৰ পাঠ্যক্ৰম যুগুত কৰাই এই পৰিব্যাপ্ত সমস্যাটো অতিক্ৰম কৰিছে। জ্ঞানস্ৰোতত আপোনালোকে এজন শিক্ষকৰ পৰা যিমান বিচাৰি সিমানবাৰ শিকিব পাৰে, পাঠদান গ্ৰহণ কৰিব পাৰে। ভিডিঅ’বোৰ বাৰে বাৰে চাই নুবুজা কথাবোৰ শিকি ল’ব পাৰে আৰু শিক্ষকসকলে এই ক্ষেত্ৰত আপত্তি নকৰে। তাৰোপৰি, পৰীক্ষাৰ আগত ছাত্ৰ-ছাত্ৰীসকলে প্ৰায় ৬ বা ৮ মাহ আগতে পোৱা শ্ৰেণীৰ পাঠদানসমূহ স্মৰণ কৰিব নোৱাৰে। আৰু বহুসময়ত শ্ৰেণীকোঠাৰ পাঠদানত শিক্ষকসকলৰ পক্ষে পাঠ্যক্ৰমসমূহ পুনৰীক্ষণ কৰাটো সম্ভৱ নহয়। এনেধৰণৰ পৰিস্থিতিত জ্ঞানস্ৰোতৰ শিক্ষকসকল সদায়েই উপস্থিত আৰু অতিৰিক্ত খৰচৰ প্ৰয়োজন নহয়। ছাত্ৰ-ছাত্ৰীসকলে অফলাইন ম’ডত ভিডিঅ’বোৰ বাৰে বাৰে চাব পাৰিব আৰু নিজৰ স্মৃতি আৰু জ্ঞান সজীৱ কৰিব পাৰিব। ইয়াৰ বাবে অতিৰিক্ত ইন্টাৰনেট সংযোগ আৰু খৰচৰ প্ৰয়োজন নহয়।

আমি বহুসংখ্যক শিক্ষা পৰিষদ অন্তৰ্ভুক্ত কৰিছোঁ, বহুতো মাতৃভাষাৰ মাধ্যমত শিক্ষাদানৰ ব্যৱস্থা কৰিছোঁ আৰু আমি বহুতো পাঠ্যক্ৰমৰ বিষয়বস্তু অন্তৰ্ভূক্ত কৰিছোঁ। আমি আটাইতকৈ বৈচিত্ৰৰে ভৰা। আমি জ্ঞানস্ৰোত।